हे मानवलाई मार्गदर्शनको आधार प्रदान गर्ने दाता,

हे सम्पूर्ण जगत्‌को प्रशंसामा अद्वितीय रहनुभएका।

हे मेरो प्रभु, तपाईँको ढोकामा मेरो एउटा पुकार छ,

जसमा जीवनभरिको अभिलाषा साकार भएको छ।

तपाईँ नै हुनुहुन्छ जसको ढोकाबाट कुनै याचक निराश हुँदैन,

के मेरो प्रार्थनाको अगाडि तपाईँको द्वार बन्द हुन सक्छ र?

हे अल्लाह, तपाईँकै अनुकम्पाले म एकेश्वरमा अडिग रहेर बाँचेँ,

के तपाईँको समीपमा एकेश्वरवादी भई आउनेलाई रित्तो फर्काइन्छ र?

मेरो प्रार्थना तपाईँको अस्तित्व झैँ एक छ, त्यसैले सोही एकत्वको कसम,

मलाई एक क्षणका लागि मात्र भए पनि अहमदको दर्शन मिल्न पाओस्।