Għandi fil-Belt il-maħbubin li meta jħarsu

lejja, jgħibu l-inkieti u jgħaddi kull saram.

U l-qalb issir fil-wens u f'hena

kbir, u miegħi jimxu l-providenza u r-rebħ.

Ja nies ta’ Tajba, ejjew, għax jien marid bl-imħabba

u għal dak li ttamajt ninsab nistenna.

Hekk hi d-drawwa tagħkom, li l-maħbub meta

isejħilkom b'ilsien l-imħabba, isib il-faraġ.

L-imħabba timla lil qalbi, anzi saret laħam u demm

f’persuna f’surti, jekk is-suriet huma xhieda.

Ja Sid il-Messaġġiera, għinni, għax ma fadallix

triq oħra ħlief l-imħabba tiegħek li ggranfajt magħha.

Lil Alla t-twelid għażiż tiegħek li bih ferħet

id-dinja kollha u bih tkeċċew it-tbatijiet.

Jum li fih id-dinja dwalet, u qatt ma telgħet

xemx bħalu fih, u lanqas qamar.

Sliem għalik minn qalb imfewwa

li r-riħa tfuħ tagħha tkompli tixtered bir-ruħ fwejjaħ tiegħek.

U min staqsieni: "Għal xiex tixtieq?" għedtlu

"Nixtieq lil Tajba b’xewqa li m’għandhiex tmiem."

Ja bdot tal-ajru, niżżilni meta tiddi

quddiem għajnejk il-Koppla l-Ħadra u l-kmamar.

Hemmhekk nersaq lejn it-tieqa tar-Rasul biex

nitlob maħfra lil Alla, fejn kull ħtija tinħafer.

Fuqek ikun it-talb t’Alla sakemm jinqraw

fil-festa tat-twelid tiegħek il-versi u s-suwar.

U fuq familtek, ħubek u s-segwaċi kollha

u l-Għawt u l-Qutb u l-maħbubin li nġabru.