അങ്ങ് പ്രഭ്വിയും ആദരണീയയുമാകുന്നു

വ്രതാനുഷ്ഠാനങ്ങളിൽ ഏറെ നിഷ്ഠയുള്ളവളും

സൃഷ്ടികളിൽ അങ്ങേയ്ക്കുള്ളതുപോലൊരു വല്യുപ്പയുണ്ടോ

അഹ്‌മദ് നബി ﷺ, സൃഷ്ടികളിൽ ഏറ്റവും ശ്രേഷ്ഠർ?

സൃഷ്ടികളിൽ അങ്ങയുടെ ഉമ്മയെപ്പോലൊരു ഉമ്മയുണ്ടോ

ആ പ്രകാശം സകല ഇരുളിനെയും നീക്കം ചെയ്യുന്നു

അങ്ങയുടെ പിതാവ് ഹൈദർ ആകുന്നു

നീചർക്കെതിരെയുള്ള പോരാട്ടത്തിൽ കരുത്തനായവർ

എക്കാലവും പ്രിയങ്കരനായവനെ സ്വാഗതം

ആരാധനാനിരതരുടെ അലങ്കാരമായ സൈനുൽ ആബിദീൻ

തന്റെ ഭവനത്തിൽ വെച്ച് ആഗ്രഹങ്ങൾ പ്രാപിക്കുന്നവർ

ഓരോ വർഷവും അവിടുന്ന് അത് നേടിയെടുക്കുന്നു

ഓരോ ദിനവും അവിടുന്ന് നിർവഹിക്കുന്ന നിസ്കാരം

ആയിരം റക്അത്തുകളായി നിലകൊള്ളുന്നു

നബവിയ്യയും സുകൈനയും

സൃഷ്ടികളിൽ ഉത്തമരായവരുടെ സഹോദരിമാരാകുന്നു

റുഖിയ്യയും നഫീസയും

അവരുടെ ഓരോ ശ്വാസവും പരിമളമേറിയ കസ്തൂരിയാകുന്നു

അപ്രകാരം ജഅ്ഫർ സ്വാദിഖിന്റെ മകൾ ആയിഷയും

അത്യുന്നതമായ സ്ഥാനത്തിന് ഉടമയായവൾ

മൂസയും ബാഖിറും ജഅ്ഫറും

സ്നേഹത്തിന്റെയും സമാധാനത്തിന്റെയും വക്താക്കൾ

തിരുനബിയുടെ കുടുംബത്തെ നാം സ്നേഹിക്കുന്നു

ആ സ്നേഹത്തിലൂടെ നാം ലക്ഷ്യങ്ങൾ നേടുന്നു

നിങ്ങൾ അത്യുദാരരാകുന്നു, ഉദാരരായവർക്ക്

അല്ലാഹുവിങ്കൽ വലിയ ആദരവുണ്ട്

അല്ലാഹുവിനുവേണ്ടി നിങ്ങളിലേക്ക് പ്രയത്നിച്ചു വരുന്നവൻ

ഒരിക്കലും അനീതിക്ക് ഇരയാവുകയില്ല

എന്റെ നാഥാ, ശാന്തിയുടെ ഗേഹത്തിൽ

എന്നും അവരുടെ മേൽ അങ്ങയുടെ പ്രീതിയുണ്ടാകട്ടെ

ഈ ജഅ്ഫരി അവരെ സ്നേഹിക്കുന്നിടത്തോളം കാലം

അതിലൂടെ അവൻ സൽഅന്ത്യം കൊതിക്കുന്നു