സൃഷ്ടികളിൽ ഉത്തമരെ നീ നിന്റെ ഉള്ളിലൊതുക്കി

അത്യുന്നത പദവിയും ശ്രേഷ്ഠഗുണങ്ങളുമുള്ളോരെ

അവിടേക്ക് യാത്രാവാഹനങ്ങൾ പാഞ്ഞടുക്കുന്നു

അക്കണ്ട നാടുകളിൽ നിന്നെല്ലാം

അവിടുത്തെ പ്രഭകൾ ഞങ്ങളിൽ മിന്നിത്തിളങ്ങി

അവിടുത്തെ രഹസ്യങ്ങൾ ഞങ്ങളിൽ ഒഴുകിപ്പരന്നു

സന്ദർശകരേ, നിങ്ങൾക്ക് ഇതാ ശുഭവാർത്ത

പുണ്യകർമ്മങ്ങൾ പൂർത്തിയാക്കിയതിനു ശേഷം

ആ തിരുമണ്ണ് അനുരാഗത്താൽ നുകർന്നവൻ ഭാഗ്യവാൻ

ആ പടിവാതിലിൽ ചുംബനം അർപ്പിച്ചവനും

അവന്റെ ക്ലേശങ്ങൾ അവനിൽ നിന്ന് നീങ്ങിപ്പോകുന്നു

സർവ്വ ആപത്തുകളിൽ നിന്നും അവൻ നിർഭയനാകുന്നു

സദസ്യരേ, അവിടുത്തെ മേൽ സ്വലാത്ത് ചൊല്ലുവിൻ

അവിടുത്തെ കുടുംബത്തിന്മേലും പുണ്യവാന്മാരായ അനുചരരിലും

നാളെ നിങ്ങൾ നരകാഗ്നിയിൽ നിന്ന് രക്ഷപ്പെടും

പരമാധികാരിയായ നാഥന്റെ മാപ്പ് നേടുകയും ചെയ്യാം