നമ്മുടെ നാഥന്റെ ഔദാര്യത്താലുള്ള അത്ഭുതകരമായ ദാനങ്ങൾ

അവന്റെ ദാനങ്ങളിൽ വിസ്മയിപ്പിക്കാത്തതായി എന്തുണ്ട്?

പ്രിയതമനെ സന്ധിക്കുക എന്നതാണ് പ്രണയിയുടെ ആഘോഷം

നമ്മെ അവിടുത്തെക്ക് അടുപ്പിക്കുകയും സ്നേഹം നൽകുകയും ചെയ്തവൻ എത്ര പരിശുദ്ധൻ

ഉന്നതമായ പദവിയുള്ള ഒരു കൂട്ടം ആളുകൾ എന്നോടൊപ്പമുണ്ട്

അവർക്ക് എഴുതാനോ എണ്ണാനോ കഴിയാത്ത ആത്മീയ രഹസ്യങ്ങളുണ്ട്

കേവലമായ അധ്വാനത്താൽ നേടിയെടുത്തതല്ല ഈ ഉന്നത സമ്മാനങ്ങൾ

പരിരക്ഷകനായ നാഥന്റെ ഔദാര്യം കണക്കാക്കാൻ സാധ്യമല്ല

മുൻനിശ്ചിതമായ ഭാഗ്യമുള്ളവൻ തന്റെ വിഹിതം നേടിയെടുക്കും

യാതൊരു ക്ലേശമോ തളർച്ചയോ കൂടാതെ അത് പൂർണ്ണമായി അവന് ലഭിക്കും

അനുഗ്രഹങ്ങൾ ചൊരിയുന്നവന്റെ കുളിർകാറ്റ് അരികിലുണ്ട്

ഹേ യുവാവേ, നീ അതിലേക്ക് തിരിയുക, അവനിലേക്ക് അടുക്കുക

മുറിവേറ്റവൻ തന്റെ വൈദ്യനെ കണ്ടുമുട്ടിയേക്കാം

അങ്ങനെ ജീവിതം അവന് ഏറ്റവും മധുരതരവും സുന്ദരവുമായിത്തീരും

ശ്രേഷ്ഠബുദ്ധികൾ ഗ്രഹിക്കുന്ന കാലമത്രയും അല്ലാഹു അനുഗ്രഹം ചൊരിയട്ടെ

കണ്ണിനീർ കൊണ്ട് എഴുതപ്പെടേണ്ടുന്ന ആ വചനങ്ങൾ

സൃഷ്ടികളിൽ ഉത്തമനും മാർഗ്ഗദർശിയുമായ അവിടുത്തെ പ്രിയതമന്റെ മേൽ

അവിടുത്തെ കുടുംബത്തിന്മേലും വിശുദ്ധി കൈവരിച്ച അനുചരന്മേലും