Tsy misy naninjitra tanana tamin’ilay tsara indrindra amin’ny voary

Raha tsy nahazo fahasambarana tamin’izany

Noho izany dia nanolotra ny tanako taminy aho

Ary tamin’izany no naha-isan’ireo sambatra ahy

Varavarana mankany amin’Andriamanitra nisandratra sy avo

Am-boninahitra sady nisongadina tamin’ny fahamboniana rehetra

Ary ny rehetra tamin’ny alalan’ny antsony no nifandray

Tamin’Andriamanitra ka nahazo ny fanampiany avy aminy

Marina fa ao anatin’ny fahasahiranana sy ny mora

Ny fiarovany no ialofako mandritra ny androm-piainako

Ary miteny aho hoe: Vonjeo aho ry raki-tsarobidiko

Ary omeo ahy ny tondra-pitahiana avy amin’ny tananao

Ary itrao fangorahana izahay ry fanantenako

Amin’ny fanasitranana ny fo amin’ny aretiny

Moa ve ho ao anatin’ny tebiteby ny mpitia anao

Noho ny voninahitrao dia tsy matahotra na iza na iza aho

Tsy misy antenaiko afa-tsy ianao raha toa ka masiaka

Ny androko ka tsy manana mpanampy intsony aho

Amin’ny alalan’ny fiainanao, atopazo ny fijerinao

Am-pahalalahan-tanana, ry tsara indrindra tamin’izay niankohoka

Ianao no Voafidy hatramin’ny taloha ela be

Ry mpanelanelana tsara indrindra eo amin’ireo firenena

Ary noho ny hazavanao, taorian’ny tsy fisiana

No nipoiran’ny endriky ny famoronana sy nanjiranjirany

Ary ny fitahian’Andriamanitra tsy hita isa

No atolotra anao, ry ambony toerana sy voninahitra

Ary ho an’ny fianakavianao sy ireo mpanaradia malaza

Raha mbola misy mpitarika rameva mihira sy manako feo