ದರ್ಶನವು ನಿರ್ಮಲವಾಯಿತು, ಸಭೆಯು ಮಧುರವಾಯಿತು

ದೇವನ ಜನರಿಗೆ ಶುಭ ವಾರ್ತೆಯು ಬಂದಿತು

ಶುಭ ಸುದ್ದಿಗೆ ಮೈಮರೆತವರಂತೆ ಎದ್ದು ನಿಂತರು

ದೇವನಿಗೆ ಕೃತಜ್ಞತೆ ಸಲ್ಲಿಸುತ್ತಾ ಭಕ್ತಿಯಲ್ಲಿ ಲೀನರಾದರು

ಓ ಸಭಿಕನೇ, ಸ್ಮರಿಸು ಮತ್ತು ಸ್ಮರಣೆ ಮಾಡಿಕೊಡು

ದೇವನ ಜನರ ಆಧ್ಯಾತ್ಮಿಕ ಸ್ಥಿತಿಯನ್ನು ನಿರಾಕರಿಸದಂತೆ ಎಚ್ಚರಿಕೆ ವಹಿಸು

ಅವರ ಮೇಲೆ ಆವರಿಸುವ ದೈವಿಕ ಸ್ಥಿತಿಗೆ ಶರಣಾಗು

ಅವರು ದೇವನಲ್ಲೇ ಅಸ್ತಿತ್ವ ಕಳೆದುಕೊಂಡಿದ್ದಾರೆಂದು ಅರಿತುಕೊ

ಏಕೆಂದರೆ ಪರವಶತೆಯು ಅವರನ್ನು ಕರೆಯುವ ದನಿಯಾಗಿದೆ

ದೇವನ ಸ್ಮರಣೆಯಲ್ಲಿದ್ದಾಗ ಅದು ಅವರನ್ನು ಆವರಿಸುತ್ತದೆ

ಯಾರಿಗೆ ಪರವಶತೆ ದೊರೆಯದೋ ಅವರು ಅದನ್ನು ಅನ್ವೇಷಿಸಲಿ

ದೇವನ ಕೃಪೆಗೆ ಪಾತ್ರರಾಗಲು ಉದ್ದೇಶಪೂರ್ವಕವಾಗಿ ಒಡ್ಡಿಕೊಳ್ಳಲಿ

ಹೀಗೆಂದರು ಅವರು, ಅದಕ್ಕಾಗಿಯೇ ತೂಗಾಡಿದರು

ದೇವನ ಸ್ಮರಣೆಯಲ್ಲಿ ಅವರು ಮಿತಿಮೀರಿ ಮೈಮರೆತರು

ನಮ್ಮವರಲ್ಲದವರು ಹೀಗೆಂದು ಭಾವಿಸುವವರೆಗೆ

ದೇವನ ಸ್ಮರಣೆಯಿಂದ ನಮಗೆ ಹುಚ್ಚು ಹಿಡಿದಿದೆಯೆಂದು

ನಮಗಿದು ಧನ್ಯತೆ, ನಮಗಿದು ಶುಭ ವಾರ್ತೆ

ದೇವನಿಗಾಗಿ ನಮಗೆ ಈ "ಹುಚ್ಚು" ಹಿಡಿದಿದ್ದರೆ