ಸೃಷ್ಟಿಗಳಲ್ಲೇ ಶ್ರೇಷ್ಠರಾದವರ ಮುಂದೆ ಯಾರೂ ಕೈ ಚಾಚಲಿಲ್ಲ

ಅವರ ಮೂಲಕ ಸೌಭಾಗ್ಯವನ್ನು ಪಡೆದ ಹೊರತು

ಅದಕ್ಕಾಗಿಯೇ ನಾನು ಅವರ ಮುಂದೆ ಕೈ ಚಾಚಿದೆನು

ಮತ್ತು ಆ ಮೂಲಕ ನಾನೂ ಸೌಭಾಗ್ಯವಂತರಲ್ಲೊಬ್ಬನಾದೆನು

ಅಲ್ಲಾಹನ ಕಡೆಗೆ ಸಾಗುವ ಉನ್ನತವಾದ ದ್ವಾರವವರು

ಗೌರವದಲ್ಲಿ ಶ್ರೇಷ್ಠರು ಮತ್ತು ಸರ್ವ ಉನ್ನತಿಯಿಂದ ವಿಶಿಷ್ಟರಾದವರು

ಅವರ ಕರೆಯ ಮೂಲಕವೇ ಎಲ್ಲರೂ ಸಂಪರ್ಕ ಹೊಂದಿದರು

ಅಲ್ಲಾಹನೊಂದಿಗೆ ಮತ್ತು ಅವರ ಮೂಲಕವೇ ಸಹಾಯವನ್ನು ಪಡೆದರು

ಸಂಕಷ್ಟದಲ್ಲಿಯೂ ಮತ್ತು ಸುಖದ ಕಾಲದಲ್ಲಿಯೂ ನಾನು

ಜೀವನದುದ್ದಕ್ಕೂ ಅವರ ರಕ್ಷಣೆಯನ್ನೇ ಆಶ್ರಯಿಸುವೆನು

ಓ ನನ್ನ ಆಸರೆಯೇ, ನನಗೆ ಸಹಾಯ ಮಾಡಿ ಎಂದು ಬೇಡುವೆನು

ನಿಮ್ಮ ಹಸ್ತಗಳಿಂದ ನನಗೆ ಔದಾರ್ಯದ ಕೃಪೆಯನ್ನು ಕರುಣಿಸಿರಿ

ಓ ನನ್ನ ಭರವಸೆಯೇ, ನಮ್ಮ ಮೇಲೆ ಕೃಪೆ ತೋರಿರಿ

ರೋಗಗಳಿಂದ ಈ ಹೃದಯಕ್ಕೆ ಗುಣಮುಖವನ್ನು ನೀಡಿರಿ

ನಿಮ್ಮನ್ನು ಪ್ರೀತಿಸುವವನು ಭಯಪಡಲು ಸಾಧ್ಯವೇ?

ನಿಮ್ಮ ಘನತೆಯಿರಲು ನಾನು ಯಾರಿಗೂ ಹೆದರುವುದಿಲ್ಲ

ಕಾಲವು ಕ್ರೂರವಾಗಿ ಕಾಡಿದರೂ ಮತ್ತು ಸಹಾಯಗರಿಲ್ಲದಿದ್ದರೂ

ನಿಮ್ಮ ಹೊರತು ಬೇರೆ ಯಾರ ಮೇಲೆಯೂ ನಾನು ಭರವಸೆ ಇಡಲಾರೆನು

ನಿಮ್ಮ ಜೀವನದ ಮೇಲಾಣೆ, ದಯೆಯ ನೋಟವನ್ನು ಬೀರಿರಿ

ಸಾಷ್ಟಾಂಗವೆರಗಿದವರಲ್ಲಿ ಅತ್ಯಂತ ಶ್ರೇಷ್ಠರಾದವರೇ

ಆದಿಕಾಲದಿಂದಲೂ ಆರಿಸಲ್ಪಟ್ಟ ಶ್ರೇಷ್ಠರು ನೀವೇ

ಸರ್ವ ಸಮುದಾಯಗಳಲ್ಲೇ ಅತ್ಯಂತ ಶ್ರೇಷ್ಠ ಶಿಫಾರಸುಗಾರರೇ

ಶೂನ್ಯತೆಯ ನಂತರ ನಿಮ್ಮ ಪ್ರಕಾಶದಿಂದಲೇ

ಸೃಷ್ಟಿಲೋಕದ ಮುಖವು ಬೆಳಗಿತು ಮತ್ತು ಪ್ರಕಟವಾಯಿತು

ಅಲ್ಲಾಹನ ಅಪಾರವಾದ ಶುಭಾಶೀರ್ವಾದಗಳು

ಉನ್ನತ ಸ್ಥಾನಮಾನದ ನಿಮಗೇ ಅರ್ಪಿತವಾಗಲಿ

ನಿಮ್ಮ ಪರಿವಾರ ಮತ್ತು ಪವಿತ್ರ ಸಂಗಾತಿಗಳ ಮೇಲೆಯೂ ಇರಲಿ

ಒಂಟೆ ಸವಾರನು ಹಾಡಿ ಪ್ರತಿಧ್ವನಿಸುವವರೆಗೂ