ಈ ಪುಣ್ಯ ಸ್ಥಾನವಿದು ಎಲ್ಲಾ ರಾಷ್ಟ್ರಗಳು ಆಶ್ರಯ ಪಡೆದ ನೆಲೆಯು

ಅರಬ್ಬರು ಮತ್ತು ಅರಬ್ಬೇತರರು ಇದರ ಉನ್ನತಿಗೆ ತಲೆಬಾಗಿದರು

ಇದು ಅಲ್ಲಾಹನ ಸಂದೇಶವಾಹಕರ ಸ್ಥಾನ, ಇವರು ಅತ್ಯಂತ ಶ್ರೇಷ್ಠರು

ಯಾರಿಗೆ ಪ್ರಭುವಿನಿಂದ ಕಟ್ಟಳೆಗಳು ಮತ್ತು ಜ್ಞಾನವು ಪ್ರಾಪ್ತವಾದವು

ಇವರೇ ಮಾರ್ಗದರ್ಶಕ ಮುಹಮ್ಮದ್, ಇವರ ನೇರ ಹಾದಿಯ ಬೆಳಕಿನಿಂದ

ನಮ್ಮಿಂದ ಅನ್ಯಾಯ ಮತ್ತು ಅಂಧಕಾರಗಳು ಅಳಿಸಿಹೋದವು

ಇವರು ಆಕಾಶಗಳಿಗೂ ಮಿಗಿಲಾದ ಎತ್ತರಕ್ಕೆ ಏರಿದವರು

ಇತರ ರಾಷ್ಟ್ರಗಳು ತಲುಪಲಾಗದ ಅಂತಹ ಘನತೆಯ ಸ್ಥಾನಕ್ಕೆ

ಓ ನನ್ನ ನಾಯಕನೇ, ಓ ಅಲ್ಲಾಹನ ದೂತರೇ, ಓ ನನ್ನ ಆಶಾಕಿರಣವೇ

ಹೆಜ್ಜೆ ಎಡವಿದಾಗ ನಾನು ಯಾರ ಆಶ್ರಯ ಪಡೆಯುವೆನೋ ಅಂತಹವರೇ

ನಿಮ್ಮ ಮೂಲಕವೇ ನನಗೆ ಸತ್ಯವಿಶ್ವಾಸದ ದಾರಿ ದೊರೆತದ್ದು

ಆ ಮೂಲಕ ನಿಮ್ಮ ಕೃಪೆಯಿಂದಲೇ ನನಗೆ ಒಳಿತುಗಳು ಲಭಿಸಿದವು

ಸೃಷ್ಟಿಕರ್ತನು ನಿಮ್ಮ ಮೇಲೆ ಆಶೀರ್ವಾದ ಸುರಿಸಲಿ, ಎಲ್ಲಿಯವರೆಗೆ

ಹಕ್ಕಿಗಳು ಕಲರವ ಮಾಡುತ್ತವೋ ಮತ್ತು ಮೋಡಗಳು ಮಳೆ ಸುರಿಸುತ್ತವೋ ಅಲ್ಲಿಯವರೆಗೆ