ನಿಮ್ಮ ಸೌಂದರ್ಯವನ್ನಲ್ಲದೆ ನೋಡುವುದು ನನಗೆ ನಿಷಿದ್ಧ

ನಿಮ್ಮ ಮಾತಲ್ಲದ ಬೇರೆಲ್ಲಾ ಮಾತು ನನಗೆ ವ್ಯರ್ಥ

ನಿಮ್ಮೊಂದಿಗಿನ ಹದ್ದಿನ ದೀರ್ಘಾಯುಷ್ಯವೂ ಕೇವಲ ಅರ್ಧ ದಿನವಿದ್ದಂತೆ

ಇತರರೊಂದಿಗಿನ ಒಂದು ಕ್ಷಣವೂ ವರ್ಷಾನುಗಟ್ಟಲೆಯಂತೆ

ನಿಮ್ಮ ಅಗಲಿಕೆಯಲ್ಲಿ ತಾಳ್ಮೆಯು ನನಗೆ ಅಸಾಧ್ಯವಾದದ್ದು

ನಿಮ್ಮ ವಿರಹದ ಹೊರತು ಬೇರಾವ ಕೊಲೆಗಾರನೂ ನನಗಿಲ್ಲ

ನಿಮ್ಮನ್ನು ಕಂಡಾಗ ನನ್ನೆಲ್ಲಾ ಚಿಂತೆಗಳು ಮಾಯವಾಗುತ್ತವೆ

ನೀವು ಮರೆಯಾದರೆ ಮೃತ್ಯುವು ನನ್ನ ಸನಿಹ ಬರುತ್ತದೆ

ನಿಮ್ಮ ಸನಿಹದಲ್ಲಿ ಕುಳಿತು ಒಡನಾಡಿಯಾಗುವ ಆಸೆ ನನ್ನದು

ನಿಮ್ಮ ಅಂಗಳದಲ್ಲಿ ನನಗೊಂದು ನೆಲೆ ನಿರ್ಮಾಣವಾಗಲಿ

ಸಮಾಲೋಕನದ ಮೂಲಕ ಈ ವಿರಹದ ರೋಗಿಯನ್ನು ಗುಣಪಡಿಸಿ

ಪಾರಿವಾಳಗಳ ಗಾನದಲಿ ನಿಮ್ಮ ಪ್ರೇಮದಲ್ಲಿ ಮೈಮರೆತವನನ್ನು

ನಿಮ್ಮ ಮೇಲಿನ ಈ ಪ್ರೇಮದ ಕಥೆ ಬಹಳ ಪುರಾತನವಾದುದು

ಪ್ರೇಮದಿಂದ ಬಂದ ಈ ಕೃಶತೆಯೇ ಆತನ ಉಡುಪಾಗಿದೆ

ಮೂಲಗಳಲ್ಲೆಲ್ಲಾ ನೀವೇ ಅತ್ಯಂತ ಶ್ರೇಷ್ಠ ಮೂಲವಾಗಿದ್ದೀರಿ

ನಿಮ್ಮ ಇಚ್ಛೆಯಿದ್ದರೆ ನನ್ನೆಲ್ಲಾ ಉದ್ದೇಶಗಳು ಈಡೇರುತ್ತವೆ

ನಿಮ್ಮಿಂದ ಕಠಿಣ ಕಾರ್ಯಗಳೂ ಸುಲಭವಾಗಿ ಪರಿಣಮಿಸುತ್ತವೆ

ಹೇ ಉದಾರಿಗಳೇ, ನಿಮ್ಮ ಅನುಗ್ರಹದಿಂದ ದಯೆ ತೋರಿ

ನಿಮ್ಮ ಹೊರತು ಔದಾರ್ಯಕ್ಕೆ ಬೇರೆ ಯಾರೂ ಅರ್ಹರಿಲ್ಲ

ನಿಮ್ಮ ಅಂಗಳದ ಅತಿಥಿಗೆ ಅನ್ಯಾಯವಾಗುವುದು ಹೇಗೆ ಸಾಧ್ಯ?