Жүрекке Сүйікті орнықты, шаттықта бол, уай, тән!

Бұл – мәңгілікке созылатын баянды нығмет.

Сүйіктінің панасына келдің, ал кімде-кім

Оған көрші болса, оның өмірі рақат пен шаттыққа толы.

Алланың амандығында, Оның туының астында ғұмыр кеш

Бұл құзырда не қорқыныш, не қайғы-мұң жоқ.

Кедейліктен қорықпа, қасыңда сондай жанның үйі бар

Барлық тілегіңе оның жомарт қолынан медет келер.

Сұлулық иесі әрі мол береке жіберуші

Ол барлық кемелдікте жалғыз әрі теңдессіз.

Даналықтың тірегі, барша әлемнің медеті

Ең биік тұлға – мақталғандардың абзалы Ахмет.

Болмыстың рухы, әрбір тірі жанның өмірі

Ол болмағанда, барлық жаратылыс толықтыққа жетпес еді.

Иса мен Адам және жаратылыстың барлық абзалдары

Олар көз іспетті болса, Ол – сол көздер көретін нұр.

Егер шайтан Адамның жүзіндегі

Оның нұрының шұғыласын көргенде, бірінші болып сәжде етер еді.

Егер Намрұд Оның көркемдігінің нұрын көрсе

Ибраһим Халилулламен бірге Ұлы Аллаға бас иер еді.

Бірақ Алланың көркемдігі өте жоғары, Ол көрінбейді

Тек Мәңгілік Пана – Алланың ерекше рақымымен ғана ашылады.

Көкірегіңе орныққан Ол жанмен сүйіншіле

Уай, барлық арман-тілегі орындалып, көзі мен қолы толған жан.

Адалдықтың қайнар көзі, пәктіктің мәні, жомарттықтың сыры

Тура жолдың нұры, даналықтың рухы әрі туралықтың бейнесі.

Содан соң таңдаулы Пайғамбарға салауат болсын

Мәңгілікке дейін барлық қасиетті жинаған ерекше жанға.