Уа, Алланың жұпар лебі, уа, Оның мейірімдері

Уа, Хақтың тартылыс күштері, бір келуіңмен жомарттық ет.

Уа, Алланың назарлары, уа, Оның ілтипаттары

Уа, жұмсақтық самалдары, есуіңмен бізге бет ал.

Уа, Рахманның жәрдемі, тез арада жомарттық қыл

Бізге қарай кел де, әрбір ауыртпалықтың түйінін шеш.

Уа, Рахымды Раббының рақымы, бізге бет бұр

Әрі игілік рухымен әрбір шірігенді қайта тірілт.

Уа, барлық қабыл болу есіктері, айқара ашылыңдар

Расында, ниет көліктері саған қарай бет алды.

Уа, илаһи жомарттық бұлттары, нөсерлетіп жау

Расында, қуаңшылық алақандары саған қарай созылды.

Жолбасшымыз бен жүректерімізді тірілтушінің құрметімен

Әрі тура жолдың соқпағына бізді нұсқаушының.

Бізді Хаққа шақырды, өзіне түсірілген Хақпен

Оған Рахманнан келген ең абзал шақырумен.

Оның әміріне бойұсынып, жауап бердік, қабыл еттік

Тура жол мен көрегендікпен естідік әрі бағындық.

Уа, Раббым, бізді Хақ пен тура жолда бекем ет

Уа, Раббым, жанымызды ең қайырлы дін үстінде ал.

Түп тамырымыз бен ұрпақтарымызды рақымыңа бөле

Отбасымыз бен достарымызды және барлық туысты.

Және барша дін иелерін, әрбір мұсылманды

Саған еш күмәнсіз Тәухидті орнықтырған жанды.

Салауат пен сәлем жолда мәңгі-бақи, үздіксіз

Ең қайырлы үмметке жіберілген ең қайырлы жанға.

Сенің ұлы кеңшілігіңмен Өзіңе тән етілген Мұхаммедке

Кітаптың түсуімен және хикмет берілген (елшіге).