Олар ұзақ айырылыстан соң менімен қауышты

әрі көне сертімді адал сақтады

Күншілдердің қас қылғанына қарамастан

қауышу уәдесін олар орындады

О, бұл жақындықтағы шаттығым-ай!

О, бағым мен ырысымның берекесі-ай!

Толық айым маған қауышуды тарту етті

О, қандай рахат, мақсатыма жеттім

Енді жиналшы, ей, көз жасым (шаттықтан)

әрі өшші, ей, сағыныш оты

Мен сырлас түнімнің құшағындамын

рухани қайнар бұлағым мөлдіреді

Махаббат тостағандарын қолыма алдым

райхан мен раушан гүлдерінің жұпары арасында

Бұрала басқан әсемнің қолынан

баурап алар белі нәзік, сұңғақ тұлғалы

Бірде «ал тостағанымды» деп ән шырқайды

ал кейде «міне, менің жүзім» дейді

Егер мен «Уа, мың мәрте қожайыным» десем

ол «Уа, мың мәрте құлым» деп жауап береді

Өзгелерге су араласқан сусын берсе

маған тек тазасын бөліп береді

Оған деген ғашықтығым үшін мені сөкпе

адасуым мен тура жолымды бір шетке ысыр

Оның махаббатындағы ғашықтық оты

мен үшін жәннаттың мәңгілік рахатындай