Сіздердің көркемдіктеріңізден өзгеге көз салуым – харам

Мен үшін сіздердің сөзіңізден басқаның бәрі – бос сөз.

Сіздермен өткен ұзақ ғұмыр – күннің бір сәтіндей

Ал өзгемен өткен бір сағат – жылдарға созылғандай.

Сіздерсіз сабыр сақтауым – еш мүмкін емес іс

Мені тек сіздерден ажырау ғана өлтіре алады.

Дидарларыңызды көргенде барлық уайым-қайғым кетеді

Ал егер ғайып болсаңыздар, маған ажал жақындайды.

Сіздермен бірге отырып, сұхбаттасуды қалаймын

Және сіздердің жұртыңызда менің де шатырым тігілсе деймін.

Қауышумен емдеңіздер айырылу дертіне шалдыққанды

Көгершін уілдегенде сіздерді аңсап, есінен танғанды.

Сіздерге деген ғашықтық хикаясы – тым көнеден басталған

Ал махаббаттан үстіне кигені – тек дерт пен науқастық.

Барлық негіздердің ішіндегі ең ұлы негіз – сіздерсіздер

Егер қаласаңыздар, барлық мұрат-мақсатым орындалар.

Сіздердің себептеріңізбен ең қиын істер жеңілдейді

Уа, жомарттар, бізге кеңшілік пен жақсылық көрсетіңіздер.

Сіздерден басқа ешкім де жомарттыққа лайық емес

Сонда қалай сіздердің аулаңыздағы қонақ жәбір көрмек?