Ya kai mai baki-bakin idanu, rura waƙar daren hirarmu

Fito da ma'anoni dubu daga mazaunin gidan Sulayma.

Daga hasken walƙiyar da ta haskaka a kan dutsen Siniya

Ranan da Musa ya nemi garwashin wuta daga gare shi, mu kuma muka ji ɗuminsa.

Duk wanda ya kalli walƙiyarsa sai ya yi ihun kuka da nishi

Wanda ya ji nishin mai baƙin ciki, ana tsoron kada ya gushe cikin shauƙi.

Ya Allah Ka ji kansa Ka dubi gare shi domin shi mai shauƙi ne

Kamar waɗancan da suka ɗanɗana tun kafin mu kasance.

Ma'abuta girmansa waɗanda muka sha daga abin shansu

Waɗanda suka rayu a zamaninmu ba su san ma'anarmu ba.

Daga abin shan soyayya da tsarki muka sha

Mun sha na safe daga kofunan shauƙi, sannan mun sha na yamma.

Duk wanda yake musun wannan bari ya zo ya ji mu

Bari ya ji falalarmu, bayyanannen nassi na Littafi mai haske.

Iyalan gidan Annabi, mutanen cika alkawari da yaƙini

Su ne mutanen bargo, ya Allah don darajarsu Ka yi mana kyauta.

Su ne mutanen bargo, ya Allah don darajarsu Ka yi mana kyauta

Tare da lafiya a gidajen biyu, gare mu da dukanmu baki ɗaya.

Kyautata halayenmu, Ka ji kanmu, kada Ka jarrabe mu

Kuma tsira ya tabbata ga Ahmad muddin kowane ido yana samun barci.