Ya Manzon Allah na Ubangijin talikai Madaukaki

Mai hidimarka ya kira, ya Manzo ka kusanto

Mai hidimarka ya kira ya Manzo domin kada a ganni

Matalauci ga kowa in ba Allah Madaukaki ba

Wani mai hidima a can karshen yamma yana kiran Muhammadu

Kuma ba ya ganin kowa in ba Manzo ba a matsayin mafaka

Mai hidima ne ya dawwama a kofa yana mai cike da fata

Na samun karamcin tarba koda kuwa zamansa ya tsawaita

Kowa ya kankance a idona in ba Ahmadu ba, domin ni

Ina fatan samun babbar falala daga Mai shiryar da bayi

Ya mai kyawun halaye da yalwar kyauta, mene ne kake gani

Ga bakon wani Mai karamci, wanda ya kyautata bayanin bukatarsa

To ka ba shi gwargwadon fadin tafin hannunka ya Zababben

Halittu, kyautar da ba ta tsoron karewa ko gushewa

Domin a cikin kowane rayayye ka shimfida wata ni'ima

Kuma ni ma kamar wani mai neman taimako nake kwadayin kyautarka

Dadin tsira da amincin Allah su tabbata a gare ka

Kuma su game dukkan sahabban Annabi da iyalansa