Ya dukkan iskokin rahamar Allah da tausayinsa

Ya janyewar gaskiya ka yi kyauta da ziyara

Ya kallon rahamar Allah da kula tasa

Ya dukkan ni'imomin taushin hali ka nufo ni da garabasa

Ya agajin Mai-Rahama ka yi gaggawa

Gare mu, ka kwance kullin kowace musiba

Ya rahamar Ubangiji Mai jin kai ka fuskanto

Ka raya kowace rubabbar gaba da ruhin falala

Ya dukkan kofofin karba ku bude

Domin kuwa dabbobin nufi gare ku suka dosa

Ya giragizen kyautar Ubangiji ku yi ruwa

Domin kuwa tafukan bukatu gare ku aka mika su

Domin alfarmar jagoranmu mai raya zukatanmu

Kuma mai nuna mana hanyar nan madaidaiciya

Ya kira mu zuwa ga gaskiya da gaskiyar da aka saukar

Gare shi daga Mai-Rahama, mafi kyawun kira

Mun amsa mun yarda muna masu mika wuya ga umarninsa

Mun ji mun yi biyayya bisa shiriya da basira

Ya Ubangiji Ka tabbatar da mu akan gaskiya da shiriya

Ya Ubangiji Ka karbi ranmu akan mafi alherin addini

Ka game iyaye da zuri'a da rahamarka

Da iyali da abokai da dukkan 'yan uwa

Da sauran ma'abota addini daga dukkan musulmi

Wanda ya tsayar Maka da kadaitaka ba tare da shakka ba

Ka yi tsira da aminci dawwamamme har abada

Ga mafi alherin wanda aka aiko zuwa ga mafi alherin al'umma

Muhammadu wanda Ka kebe shi da falalarka

Mai girma, da saukar da Littafi da hikima