Babu wanda ya mika hannunsa ga mafificin halitta

Face ya samu rabo da daukaka ta dalilinsa

Saboda haka na mika hannuna zuwa gare shi

Da wannan ne na kasance daga cikin masu rabo

Shi kofa ne zuwa ga Allah mai daukaka

Ya daukaka kuma ya fice kowa da kowace daukaka

Kowa ta dalilin kiran sa ya hadu da Allah

Kuma ya samu madadi da tallafi ta gare shi

Lallai ni a lokacin tsanani da kuma sauki

A cikin kariyarsa nake neman mafaka har karshen rai

Kuma ina cewa ka agaza mini ya maboyata

Ka ba ni kyauta da falala daga tafukan hannunka

Ka ji kanmu ka tausaya mana ya burina

Da warkar da zuciya daga dukkan cututtuka

Shin masoyinka zai kasance cikin fargaba

Ganin darajarka ba na tsoron kowa

Ba na fatan wani in ban da kai idan zamani ya juya mini

Kuma na rasa dukkan masu taimako

Don girman rayuwarka ka dube ni da rahama

Domin karamci ya mafificin wanda ya yi sujada

Kai ne zababbe tun fil azal

Ya mafificin mai ceto a tsakanin dukkan al'ummai

Da haskenka ne bayan babu komai

Fuskar halitta ta yi annuri kuma ta bayyana

Salatin Allah mara adadi

Gare ka ake gabatarwa ya mai daukakar matsayi

Da iyalanka da sahabbai masu daraja

Matukar mai korar rakumi yana rera waka tana amsawa