Ka gaya wa wanda ya riga ya zarge ni

ka kyale ni da tawa harkar ya mai zargi

In da ka san abin da ya faru

da ba za ka yi hani ba ya jahili

Shin ba ka ganin jikina mara lafiya

cutar ramewa ta riga ta tuke shi

Gaya min kan wa ake wannan wahala

da wannan shauki da kuma dimaucewa

Allah Ya ishe ni kuma Ya wadatar

fadi duk abin da ka so ya mai sa-ido

Ya mazauna asirai na na zuci

ina da tsantsar kauna gare ku

Na mallaka muku ya shugabannina

ragamar lamarina da jagorancinsa

Kada ku watsar da wanda ya wayi gari

yana daukaka saboda ku a tsakanin bayin Allah

Yana tsaye a kofa, mazauni ne

yana fatan samun rabo da karbuwa

Allah Ya ishe ni kuma Ya wadatar

fadi duk abin da ka so ya mai sa-ido

Iskokin isali sun buso

daga gefen tsarki madaukaki

Haskensu ya nutse cikin

duniyoyin zuciya wadda take wofai

Daga duk wani abin da ba abin bautarsa ba

Makadaici, Gaskiya, Majibinci

An bankado asiransa

kuma ya sauka a hasumiyar isali

Allah Ya ishe ni kuma Ya wadatar

fadi duk abin da ka so ya mai sa-ido

Masoyi ya kwana tare da abin kaunarsa

shi kuwa mai zargi gafalalle yana can nesa

Bai san menene sha'anin soyayya ba

tsakanin shugabanni da bayin Allah

Kaitonsa, me zai rasa

da a ce ya san (darajar) mutum mai farin ciki

Matsayinsa a wurin Ubangijinsa

kuma Allah ne Masanin abin da yake fada

Allah Ya ishe ni kuma Ya wadatar

fadi duk abin da ka so ya mai sa-ido

Me masu musu za su ce

game da wanda yake da zuciya mai tsarki

Wanda yake son daukacin Musulmai

kuma burinsa shi ne Ubangiji Mai karimci

Kuma yake daukar kansa

a matsayin bawa mai kaskanci

In ba don kulawar Ubangijinsa ba

da ya kasance rago, batacce

Allah Ya ishe ni kuma Ya wadatar

fadi duk abin da ka so ya mai sa-ido