Ina da masoya a Madina wadanda idan suka dube ni

damuwata takan kauce, cutarwa kuma ta yaye.

Zuciya takan kasance cikin debe kewa da farin ciki

mai yawa, nasara da dacewa kuma su abota da ni.

Ya mutanen Taiba ku hanzarta gare ni, lallai ni mai tsananin shauki ne

kuma ni mai jiran abin da nake fata ne.

Al'adarku ta tabbata cewa lallai masoyi idan har

ya kira ku da harshen soyayya, akan biya masa bukata.

Soyayya ta cika zuciyata, har ma ta bayyana a

surar jikina, idan har siffofi suna bayyanawa.

Ya shugaban manzanni ka agaza mini, domin babu wata

dabara da ta rage mini sai soyayyarka da nake tanada.

Allah ya albarkaci haihuwarka mai daraja wadda dukkan

duniya ta yi farin ciki da ita, damuwa kuma ta yaye.

Rana ce da duniya ta haskaka cikinta, ba a taba samun

rana ko wata da suka fito makamantarta ba.

Gaisuwa gare ka daga zuciya mai kamshi

wadda daddadan ruhinka yake kara kamshinta.

Akwai mai tambayata me kake muradi? Sai na ce masa

ina muradin Taiba, muradin da ba shi da iyaka.

Ya matukin jirgin sama ka saukar da ni idan har

koren daki da dakunan gidan Annabi sun bayyana a gare ka.

A can zan nufi tagar hubbaren Manzo domin

in nemi gafarar Allah a inda ake yafe zunubi.

Tsira da amincin Allah su tabbata a gare ka matukar ana

karanta ayoyi da surori a taron haihuwarka.

Da iyalanka da sahabbai da mabiya baki daya

da Gausi da Kudbi da masoya a duk lokacin da suka halarta.