Iska mai dadi ta buso mana daga haramin fiyayyen halitta (Mustafa)

Iska ce mai dauke da farin ciki, magani, da kuma waraka

Ta hanyar shakar kamshinta lahirinmu da badininmu suke gyaruwa

Ina murna ga wanda ya bi sawun Annabi a kowane hali

Cikin tafiyar gaskiya tare da ma'abota himma da cika alkawari

Su ne manyan mazaje, lallai su ne madaukaka

Su ne ma'abota boyayyun asirai da tsarkin zuciya

Ya kai mai korar rakuma rera waka! Domin halina ya yi kyau saboda Annabi

Idan har idon karamcin Allah ya bayyana to ya yafe mana

Allah ya wadatar da ni, madalla da Mai wadatarwa, wadatarSa ta ishe ni

Daga gare Shi kyaututtuka suke, da lafiya da kuma waraka

Ya mai fadin karamci, Ubangijina Shi ne mafi alherin mai afuwa da yafiya

Ka yi mana baiwar kasancewa tare da bawanKa fiyayyen halitta (Mustafa)

Ka sanya mu bi tafarkin wadanda suka bi shiryarsa

Domin mu tabbata a kanta, mu bi halifofin da suka gaji Annabi

Albarkacin matsayin Ahmad, masoyin Allah, taskar cika alkawari

Tsira da amincin Ubangijina su tabbata a gare shi matukar ana ruwan sama

Da kuma iyalansa da sahabbansa matukar walkiya na giftawa a sararin samaniya