Mun yi tawassuli da sunan Allah

da kuma Manzon Allah mai shiryarwa

Da dukkan mai jihadi saboda Allah

don darajar mutanen Badr ya Allah

Ya Ubangijina Ka tsarsar da al'umma

daga masifu da kuma ukuba

Da kuma damuwa da bacin rai

don darajar mutanen Badr ya Allah

Ya Ubangijina Ka tseratar da mu Ka yaye mana

dukkan cutarwa sannan Ka tunkude

Makircin makiya da tausayawarka

don darajar mutanen Badr ya Allah

Ya Ubangiji Ka yaye mana kuncin rayuwa

daga masu saba maka da halaka

Da dukkan bala'o'i da annoba

don darajar mutanen Badr ya Allah

Da yawa rahamomi sun tabbata

kuma da yawa kaskanci ya kauce

Kuma da yawa ni'imomi sun iso

don darajar mutanen Badr ya Allah

Da yawa Ka wadatar da masu yawan shekaru

kuma da yawa Ka azurta talakawa

Kuma da yawa Ka warkar da masu zunubi

don darajar mutanen Badr ya Allah

Hakika duniya ta yi kunci ga zuciya

duk da fadin da take da shi baki daya

Saboda haka Ka tserar da mu daga bala'i mai tsanani

don darajar mutanen Badr ya Allah

Mun zo muna neman tausayawa

da kuma dukkan alheri da farin ciki

Saboda haka Ka fadaɗa kyautar da kake ba mu

don darajar mutanen Badr ya Allah

Kada Ka mayar da mu muna masu tawaya

a'a Ka tabbatar da mu a kan alheri

Ya Ma'abucin daukaka da kwarjini

don darajar mutanen Badr ya Allah

Idan Ka kore mu to wajen wa za mu tafi

don samun dukkan bukatunmu

Ya Mai yaye dukkan damuwoyi

don darajar mutanen Badr ya Allah

Ubangijina Ka gafarta mana Ka girmama mu

ta hanyar amsa bukatunmu

Da kuma tunkude mummuna daga gare mu

don darajar mutanen Badr ya Allah

Ubangijina Kai ne Ma'abucin taushi

da kuma falala da kuma jinkai

Kuma damuwoyi nawa ne Ka yaye

don darajar mutanen Badr ya Allah

Ka yi salati ga Annabi mai kyautatawa

ba tare da lissafi ko iyaka ba

Da kuma zuriyarsa shugabanni masu daraja

don darajar mutanen Badr ya Allah