વિશ્વના સૌંદર્યમાંથી મારી મદિરા આવે છે

મેં તેને શુદ્ધ ચાખી છે અને તે વૈધ છે

તે મારા પૂર્ણચંદ્રના ગુણોમાંથી ખેંચાયેલી છે

એવું સૌંદર્ય જેણે તમામ પૂર્ણતાને સમાવી લીધી છે

એક એવો ચહેરો જેની દિવ્યતા ઝળકી ઉઠી છે

અને આખું વિશ્વ તેનો અરીસો બની ગયું છે

જો તારું હૃદય તેને મળવા ઈચ્છતું હોય

તો તારા પ્રેમને તેની ઈચ્છામાં મિલાવી દે

આત્માથી હું એક વિશાળ આકાશ છું

દેહથી હું માત્ર માટી સમાન છું

હું પુષ્પ છું, હું જળ છું

હું મારા પરમાનંદની મધુરતામાં ખોવાઈ ગયો છું

આત્મા તેના ઉચ્ચ પદ પર બિરાજ્યો છે

અને હૃદય તેની સંભાળ અને રક્ષા કરવા લાગ્યું છે

અને દેહ તેના માર્ગે વેગથી ચાલ્યો

જેથી તે તેની અંતિમ ઈચ્છા પ્રાપ્ત કરી શકે

હે નિંદક, જે અજ્ઞાનતાને લીધે ટીકા કરે છે

એવા પ્રેમીની જેણે મિલન પ્રાપ્ત કર્યું છે

જો તું સાચી નિષ્ઠાથી નિંદા કરીશ તો તારી પણ કસોટી થશે

અને તું ત્વરિત આ પ્રેમનો સ્વાદ ચાખશે

તેના સિવાય અન્ય સર્વથી તારા લય થવાથી

તું તેની શાશ્વતતાની વિશાળતામાં આશ્રય પામશે

અને તેની પ્રસન્નતાના શીતળ પેય દ્વારા

હૃદયની બળતી ઝંખના શાંત થઈ જાય છે

અલ્લાહની રહેમતો ભેટ સ્વરૂપે અર્પણ થાઓ

જે કોઈ પણ અત્તર કરતાં વધુ સુગંધિત છે

તે રસૂલ પર જે પ્રગટ થયા છે

જેમનો પ્રકાશ તમામ પથભ્રષ્ટતાને મિટાવી દે છે

કદી અંત ન પામે તેવા સલામ સાથે

અને તેમના ઉચ્ચ મોભો ધરાવતા પરિવાર પર

તેમના સાથીઓ અને તેમના અનુયાયીઓ પર

અને અલ્લાહના તમામ નેક બંદાઓ પર