સૃષ્ટિના શ્રેષ્ઠ (નબી) તરફ કોઈએ કદી હાથ લંબાવ્યો નથી

સિવાય કે તે એમના થકી સૌભાગ્યશાળી બન્યો હોય

તેથી જ મેં તેમની તરફ મારો હાથ લંબાવ્યો છે

અને તેના કારણે જ હું ભાગ્યશાળી લોકોમાં ગણાયો છું

તેઓ અલ્લાહ સુધી પહોંચવાનો એક એવો દ્વાર છે જે અત્યંત બુલંદ છે

જેઓ સન્માન અને દરેક ઉચ્ચ પદમાં અજોડ છે

અને તમામ લોકો તેમના જ આહ્વાન દ્વારા જોડાયા

અલ્લાહ સાથે, અને તેમના દ્વારા જ દૈવી મદદ પ્રાપ્ત કરી

નિશ્ચયપૂર્વક હું મુશ્કેલીમાં હોઉં કે આસાનીમાં

આજીવન તેમના જ પવિત્ર આશ્રયમાં શરણ લઉં છું

અને હું પોકારું છું કે હે મારા ખજાના, મારી સહાય કરો

અને તમારા ઉદાર હાથોથી મને કૃપાની ભેટ આપો

હે મારી આશા, અમારા પર દયા દ્રષ્ટિ કરો

હૃદયને તમામ વ્યાધિઓથી મુક્તિ આપીને

શું આપનો પ્રેમી ક્યારેય ભયભીત હોઈ શકે?

આપના મોભાના પ્રતાપે હું હવે કોઈનાથી ડરતો નથી

આપના સિવાય મને કોઈની આશા નથી, જો જમાનો

મારા પર જુલમ કરે અને મને કોઈ મદદગાર ન મળે

આપના પવિત્ર જીવનના સોગંદ, એક કરુણા દ્રષ્ટિ કરો

કૃપા કરીને, હે સિજદો કરનારાઓમાં સૌથી શ્રેષ્ઠ

આપ જ સૃષ્ટિના પ્રારંભથી પસંદ કરાયેલા (મુખ્તાર) છો

હે તમામ ઉમ્મતોમાં સૌથી શ્રેષ્ઠ શફી (ભલામણહાર)

અને આપના જ નૂરથી, શૂન્યતાના અંધકાર પછી

સૃષ્ટિનું મુખ ખીલી ઉઠ્યું અને પ્રગટ થયું

અને અલ્લાહના અગણિત દરુદ અને સલામ

આપને અર્પણ કરવામાં આવે છે, હે ઉચ્ચ મરતબાવાળા

અને આપના આલ (પરિવાર) તથા ઉમદા સાથીઓ પર પણ

જ્યાં સુધી ઊંટ હાંકનારના સૂર ગુંજતા રહે