Tit fullmánar í grannalagnum, tit bústaður teirra aðalsbornu

Berið gaselluni í halgidóminum mína heilsan

Um vit missa alt hógvarni tykkara vegna, verða vit ikki lastaðir

Tí longsulin og tann sára kærleikin hava vunnið á okkum

Tann sárt forelskaði svevur ikki náttina á enda

Tí sanniliga er svøvnur tann elskaða bannaður

Mínir harrar, um tit ikki vísa miskunn við einum fundi

Doyggi eg av longstul, meðan tykkum hoyrir ævigt lív til

Um eg ikki elskaði gasellurnar á tí rena sandinum

Hvør munur var tá á mínum hjarta og lívleysum steini?

Má Gud gleða okkara tíðir við tykkum

Og má ríviligt regn úr skýnum væta tykkara dal