O, angan Guds, o, Hansar miskunnir

og Sannleikans dregni, gæv okkum eina vitjan

O, Guds eygnakast og Hansar eygu

o, náðinnar lot, komið við einari gávu

O, hjálp hins Miskunnsama, skunda tær

til okkara og loys knútin á hvørjari neyð

O, miskunn hins náðiga Harra, vend tær higar

og lívga við náðinnar anda alt hitt deyða

O, allar dyrnar fyri móttøku, latist upp

tí ferðafólkini við okkara ætlanum stevna móti tær

O, skýggini hjá guddomligum rífleika, latið regna

tí hendur í turri eru rættar móti tykkum

Við halgidómi okkara leiðara og hjartans lívgevara

og okkara vegvísara á tí rætta veginum

Hann kallaði okkum til sannleika við sannleikanum

sum tann besti boðskapur frá hinum Miskunnsama

Vit svaraðu og góðtóku, lýðin Hansara boðum

vit hoyrdu og fylgdu við leiðslu og klárleika

O Harri, styrk okkum í sannleika og leiðslu

og o Harri, tak okkum til Tín í tí bestu trúgv

Og lat miskunnina fevna um røtur og greinar

og familju, vinir og øll skyldfólk

Og øll hini trúgvandi fólkini av muslimum

ið hava váttað Tína einleika uttan iva

O, lat signing og frið vara um allar ævir

yvir tí besta, ið sendur var til ta bestu tjóðina

Muhammed, sum fekk Tína serligu og stóru náði

og niðursendingina av Bókini og vísdóminum