འཇིག་རྟེན་གཉིས་སུ་ཨ་ཧྨད་འདྲ་བ་སུ་ཞིག་མཆིས།

ཉ་གང་ཟླ་བ་ལྟར་འགྲོ་བ་ཀུན་ཁོང་གི་མཛེས་པས་བརླགས།

ཁོང་དང་མཚུངས་པ་སུ་ཞིག བཞུགས་ཁྲི་ཆེན་པོའི་བདག་པོས་ཁོང་ལ་ཆེ་མཐོང་གནང་།

ཕྱི་ཡི་གཟུགས་དང་ནང་གི་གཤིས་ཀ་གཉིས་ཀ་ལྷ་ཡིས་བསྩལ།

ཁོང་གི་འོད་ཟེར་འཆར་བས་ཉི་མ་ངོ་ཚ་ཁ་སྐྱེངས་གྱུར།

ཁོང་གི་ངོ་བོ་རྟོགས་པར་འགྲོ་བའི་བློ་གྲོས་ཀུན་ཏུ་འཁྲུལ།

དཀོན་མཆོག་ལ་བྱིན་རླབས་ལྡན། ཁོང་གི་ཡོན་ཏན་ཅི་འདྲའི་མངར་བ་ལ།

མཛེས་སྡུག་ཡོངས་སུ་རྫོགས་ཤིང་ཞལ་རས་ཅི་འདྲའི་འོད་མདངས་འཚེར།

ཝ་དཱི་ཨལ་ནུ་ཀ་ཡི་ཨ་རབ་པ་དང་ཀཱ་དྷི་མཱ་ཡི་མི་སྡེ་ལགས།

ཁྱེད་ཀྱི་ཕྱོགས་སུ་ཟླ་བ་ཞིག་བཞུགས་པ་དེ་ནི་སྙིང་གི་གནས་མལ་ལོ།

ཉི་མ་ཤར་བ་ནས་བཟུང་བཞུགས་ཁྲིའི་བདག་པོས་ཁོང་ལ་བྱིན་རླབས་ཕོན།

ཉི་མ་དང་སྣེ་ཤན་པ་སུས་ཀྱང་ཁོང་གི་བགྲོད་ལམ་ལ་མ་བསྙེགས།

ལྷ་ཡིས་བདག་ལ་འདམས་པའི་སྐྱེས་བུ་ལ་བསྟོད་པའི་སྐལ་བ་བསྩལ།

ཁོང་གི་མཚན་ལ་བསྟོད་པ་བྱེད་མཁན་གྱི་གྲས་སུ་བདག་ཀྱང་མཐོང་བར་ཤོག

བདག་གི་ལས་ཀྱི་དེབ་ཐེར་བཀླག་པའི་དུས་ལ་བབས་ཚེ།

བདག་ལ་དགེ་བའི་དངོས་གྲུབ་གནང་མཁན་དེ་ལས་གཞན་སུ་ཡང་མེད།

མུ་ཧ་མད་ནི་འཇིག་རྟེན་གཉིས་ཀྱི་བདག་པོ་དང་ལྷ་མིའི་རྗེ་བོ་ཡིན།

ཨ་རབ་པ་དང་ཨ་རབ་མ་ཡིན་པའི་སྡེ་ཚན་གཉིས་ཀྱི་དཔོན་པོའོ།

ཁོང་ནི་སྐྱབས་འཇུག་ལ་རེ་བ་བཅོལ་བའི་གཅེས་པའི་མི་བུ་སྟེ།

འཇིགས་པ་དྲག་པོ་ཐམས་ཅད་ལས་སྐྱོབ་པར་མཛད་པའོ།

ང་ཚོའི་སྟོན་པས་དགེ་བ་བསྐུལ་ཞིང་མི་དགེ་བ་བཀག་སྡོམ་མཛད།

ཡིན་དང་མིན་པའི་གསུང་ལ་ཁོང་ལས་དྲང་བ་སུ་ཡང་མེད།

གསར་དུ་བཞད་པའི་མེ་ཏོག་ལྟར་མཛེས་ཤིང་ཉ་གང་ཟླ་བ་ལྟར་མཐོ་བ།

རྒྱ་མཚོ་ལྟར་གཏོང་ཕོད་ཆེ་ཞིང་དུས་ཚོད་ལྟར་དམ་བཅའ་བརྟན་པའོ།

ཀྱེ་བདག་གི་ཇོ་བོ། འདམས་པའི་སྐྱེས་བུ་ལ་བརྟེན་ནས་བདག་ཅག་གི་རེ་འདུན་འགྲུབ་པར་མཛོད།

གཏོང་ཕོད་ཡངས་པའི་བདག་པོ། འདས་པའི་ཉེས་པ་ཀུན་ལ་བཟོད་པར་གསོལ།

ཀྱེ་ལྷ། ཁ་ཆེ་བ་ཀུན་གྱི་སྡིག་པ་བཟོད་པར་བཞེས་ཤིག

ཨལ་ཨག་ས་དང་གནས་མཆོག་གཞན་དུ་གསུང་རབ་ཞལ་འདོན་གནང་བ་ལ་བརྟེན་ནས།

ཏེ་བྷ་རུ་བཞུགས་གནས་གནས་མཆོག་ཏུ་གྱུར་པའི་སྐྱེས་བུའི་མཐུ་བྱིན་གྱིས།

ཁོང་གི་མཚན་ནི་མནའ་ཚིག་ཐམས་ཅད་ཀྱི་ནང་ནས་མཆོག་ཏུ་གྱུར་པའོ།