Kainatın gözəlliyindəndir mənim şərabım

Onu xalis daddım və o halaldır

O, mənim bədrimin vəsflərindəndir

Bütün o gözəlliyi özündə cəm etmişdir

Elə bir sima ki, nuru hər yana parladı

Və kainat onun güzgüsünə çevrildi

Ey könlüm, əgər Ona qovuşmaq istəyirsənsə

Meyl və arzunu Onun meyli ilə bir et

Ruhən mən uca bir asimanım

Cismən isə bir toz zərrəsiyəm

Mən bir çiçəyəm, mən bir suyam

Vəcdimin şirinliyindən valeh olmuşam

Ruh öz uca məqamına yüksəldi

Qəlb isə onu hifz edib qorumağa başladı

Bədən isə öz yolunda sürətlə addımladı

Bununla da öz ən böyük arzusuna çatdı

Ey cahilliklə məzəmmət edən eyibçi

Vüsala yetmiş bir aşiqi qınayan

Əgər sidqlə qınasan, sən də sınağa çəkilərsən

Və bu eşqi elə o andaca dadarsan

Ondan qeyrisindən fəna olmaqla

Onun əbədi bəqasının dərgahına sığınarsan

Razılığının şərabının sərinliyi ilə

Qəlbin yandırıcı atəşi sönər

Allahın salatları hədiyyə olsun

Bütün ətirlərdən daha rayihəli və lətif

Zühur edən o Peyğəmbərə ki

Nuru hər bir zəlaləti məhv edər

Heç bitməyən bir salam ilə

Onun ali mənsəb sahibi olan ailəsinə

Səhabələrinə və ona tabe olanlara

Və Allahın bütün uca mərdlərinə