İki aləmdə Əhməd kimi kim var sevdiymiz?

O bir bədirlənmiş aydır ki, bütün məxluqat onun hüsnündə azıb.

Kimdir onun bənzəri ki, Ərşin Rəbbi onu şərəfləndirdi

Allah ona həm gözəl surət, həm də gözəl əxlaq bəxş etdi.

Günəş onun camalının nurundan xəcalət çəkər

İnsanların ağlı onun mahiyyətini anlamaqda heyran qaldı.

Mübarəkdir Allah, nə şirindir onun xisləti

Camala sahib oldu, nə parlaqdır onun surəti.

Ey Nəqa vadisinin ərəbləri, ey Kazimə əhli

Sizin yurdunuzda bir ay var ki, məskəni qəlbdədir.

Ərşin İlahi ona salat etsin günəş doğduqca

Və sarban öz dəvələrini mənzilə sürdükcə.

Allah Muxtarın mədhi ilə mənə lütf etdi

Ola bilsin ki, məddahlar arasında yerim görünsün.

Əməl dəftərimi oxumağa gəldiyim zaman

Mənə lütfünü göstərən kərəmli Rəbbimdən başqa kimsəm yoxdur.

Məhəmməd iki aləmin və iki zümrənin sərvəridir

Həm ərəbin, həm də əcəmin ağasıdır.

O, şəfaəti ümid edilən sevgilidir

Üstümüzə gələn hər bir dəhşətli qorxu anında.

Peyğəmbərimiz əmr edən və nəhy edəndir, ondan daha sadiq kimsə yoxdur

Nə "yox" deməkdə, nə də "bəli" deməkdə.

Təravətdə gül kimi, şərəfdə bədir aydır

Kərəmdə dərya kimi, qərarlılıqda isə zaman kimidir.

Ya Rəbb, Mustafa xatirinə bizi məqsədimizə çatdır

Keçmiş günahlarımızı bağışla, ey kərəmi geniş olan!

Ey İlahi, bütün müsəlmanları bağışla

Məscidül-Əqsada və Hərəmdə oxuduqları dualar hörmətinə.

Evi Taybədə müqəddəs bir hərəm olanın cahı üçün

Hansı ki, onun mübarək adı ən böyük anddır.