Xəlqin ən xeyirlisinə kimsə əl açmadı ki,

Onun vasitəsilə səadətə qovuşmasın

Mən də bu səbəblə ona əl açdım,

Və beləcə səadət əhlindən oldum

Allaha açılan, şərəflə ucalan bir qapıdır O,

Hər bir ucalıqda fərqlənib üstün oldu O

Hamı onun dəvəti ilə Allaha qovuşdu,

Onun vasitəsilə mənəvi yardım tapdı

Həm darlıqda, həm də bolluqda mən,

Ömrüm boyu onun himayəsinə sığınıram

Deyirəm ki: ey pənahım, dadıma yetiş,

Öz əllərindən mənə kərəm bəxş elə

Ey ümidim, bizə mərhəmət nəzəri ilə bax,

Qəlbimizi bütün illətlərdən şəfaya yetir

Səni sevən heç qorxu içində olarmı?

Sənin uca məqamınla kimsədən qorxmaram

Zaman mənə zülm etsə, köməkçisiz qalsam,

Səndən başqasına əsla ümid bağlamaram

Canına and olsun, kərəm nəzəri ilə bax,

Ey səcdə edənlərin ən fəzilətlisi

Sən əzəldən bəri seçilmiş birisən,

Ey ümmətlər içində ən xeyirli şəfaətçi

Yoxluqdan sonra sənin nurunla,

Yaradılışın çöhrəsi parladı və göründü

Allahın sonsuz salavat və salamı,

Sənə bəxş edilsin, ey qədri uca olan

Pak ailənə və şanlı əshabına da olsun,

Nə qədər ki, dəvəçi nəğmə deyib əks-səda verir