Mədinədə sevimli dostlarım var, mənə baxdıqları zaman

kədərlərim çəkilər və bütün sıxıntılarım yox olar.

Qəlbim bir ünsiyyət və böyük bir sevinc içində olar

müvəffəqiyyət və zəfər hər an mənə yoldaşlıq edər.

Ey Taybə əhli, gəlin, həqiqətən mən eşq xəstəsiyəm

və mən ümid etdiyim o lütfü gözləməkdəyəm.

Adətiniz belədir ki, bir aşiq sizi çağırdığı zaman

sevgi diliylə səslənənin qəlbi mütləq təsəlli tapar.

Sevgi qəlbimi doldurub, hətta bir cismə bürünüb

əgər surətlər dəlalət edərsə, mənim surətimdədir.

Ey rəsulların sərvəri, yetiş imdadıma, çarəm qalmadı

səndən gələn və hifz etdiyim sevgidən başqa.

Allah üçün o əziz mövludun nə mübarəkdir ki

onunla yer üzü səadət tapdı və bəlalar sovuşub getdi.

Elə bir gündür ki, dünya onunla nurlandı

onun kimisinə nə bir günəş doğdu, nə də bir ay.

Sənə ətirli bir qəlbdən gələn salam olsun

qoxusunun rayihəsini sənin o pak ruhun artırar.

Mənə "Nəyə həsrətsən?" deyən kimsəyə dedim ki

Taybəyə elə həsrətəm ki, bu sevda heç bir həddə sığmaz.

Ey səmaların rəhbəri, yaşıl qübbə və o hücrələr

gözünə göründüyü zaman məni oraya endir.

Orada Rəsulun şəbəkəsinə doğru yönələrəm ki

günahların bağışlandığı o yerdə Allahdan əfv diləyim.

Mövlud məclisində ayələr və surələr oxunduqca

Allahın salat və salamı hər an sənin üzərinə olsun.

Ailinə, əshabına və bütün tabe olanlara

qövsə, qütbə və orada hazır olan dostlara da olsun.