Uzaqlığımdan sonra mənə vüsal verdilər

və keçmiş əhdimi qorudular

Paxılların rəğminə

vüsal ilə vədimi yerinə yetirdilər

Ey bu yaxınlıqdakı sevincim!

Ey bəxtimin və taleyimin səadəti!

Bədrlənmiş ayım mənə vüsal bəxş etdi

ey xoşbəxtliyim, məqsədimə nail oldum

Ey göz yaşım, (sevincdən) toplaş

və ey vəcdimin atəşi, sön

Mən ünsiyyət gecəmdəyəm

mənəvi çeşməm artıq durulub

Qədəhlərimi əlimə aldım

reyhanlar və güllər arasında

Nazla süzülən birinin əlindən

o füsunkar, incə və zərif qamətlinin

Gah "Qədəhimi al" deyə nəğmə oxuyur

gah da "Budur yanağım" deyir

Əgər "Ey min kərə Mövlam" desəm

mənə "Ey min kərə qulum" deyə cavab verər

Başqalarına qarışıq içki içirtsə də

xalisini yalnız mənə ayırdı

Onun eşqində məni qınamağı burax

azğınlığımı da, doğruluğumu da bir kənara at

Onun eşqindəki vəcdimin atəşi

mənim üçün əbədi Cənnət neməti kimidir